Rober Uriarte Oizpe txapelketa irabazita dator. Berasaluzeri kontratua ez berritzea ere hizpide izan du abadiñarrak.
Rober Uriarte Oizpe txapelketa irabazita dator.
Zumarragako Pilota Txapelketako finalerdiak jokatuko dituzte bihar, eta Durangaldeko lau pilotari ibiliko dira lehian. Rober Uriarte abadiñarrak eta Andoni Aldape mallabitarrak osatutako bikoteak Elezkano zaratamarrak eta Jon Landaburu elorriarrak osatutakoaren kontra jokatuko du. Bigarren finalerdian, Igor Azpiri elorriarrak, Diezekin bikotea osatuz, Larrañaga eta Irureta izango ditu aurrez aurre.
Azpirik eta Diezek domekan eskuratu zuten finalerdietarako txartela, Ollo eta Gorrotxategi 22-19 menderatuta. Diez portugaletetarrak seguru jokatu zuen, eta Azpirik tantoa amaitzen asmatu zuen.