Hirugarren postuan sailkatu zen Elortza

Anboto 2009ko aza. 19a, 16:08
Deskargatu Info Ahotsak :

Igor Elortzaren txanda izan zen zapatuan, Euskal Herriko Bertsolari Txapelketa Nagusian. Tolosan jokatu zen saioa, eta finalerdietako lehen itzulia amaitu da asteburuan. Sustrai Colina nagusitu zen, eta durangarra hirugarren postuan geratu zen.

Txapelketa Nagusiko finalerdien lehen itzulia amaitu da, eta badakigu nortzuk abestuko duten bigarrenean. Durangaldeko hiru ordezkariak bertan izango dira; Iturriaga eta Elortzak gogotik egin beharko dute lan finalean sartu gura badute.

Zapatuan finalerdietako lehen itzuliko hirugarren saioa ospatu zen Tolosan, eta Igor Elortza durangarrak parte hartu zuen bertan. 629 puntu eskuratu zituen Elortzak; finalerdietako bigarren itzulira pasatu arren, zail edukiko du finalean egotea, Iturriagak legez.

Hala ere, oraindik badute beste aukera bat datorren asteburuan hasiko diren finalaurrekoekin. Zapatuan Gernikan izango da lehena; tartean Miren Amuriza eta Igor Elortza ariko dira. Amurizak errazago du finalerako txartela lortzea, 655,5 puntu ditu-eta.


Kultura Bizkaia
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!