Udara gogorra izan du Berasaluzek, eta kezkatuta egon da nekeak ez ote zion gehiegi eragingo. Baina azken aldian egin dituen entrenamenduetan oso ondo aurkitu da: “Uda gogorraren ondoren, 10 eguneko atsedena hartu nuen. Ez zela nahiko izango uste nuen, okerrago egongo nintzela, baina entrenamenduetan oso ondo aurkitu naiz”, aipatu du.
Lesio baten ondorioz Abel Barriola lau t’erdikotik kanpora geratu zenean, enpresek berriztarra jarri zuten multzoburu. Presiorik sentitzen duen galdetuta, “apur bat” baduela onartu du, baina ez omen dio ilusioari gaina hartzen: “Ligaxkan lau onenen artean sartzeak, gutxienez, beste hiru partidu jokatzea dakar. Gainera, datorren urtean berriro multzoburu izateko eskubidea irabaziko nuke. Horrek ilusio itzela sortzen du”.
Berasaluzek Josetxo Areitio izango du botillero. Ez da iurretarra aholku-emaile izango duen lehenengo aldia. “Gustura aurkitzen naiz beragaz, elkar ondo ulertzen dugu”.