Montes eta Etxarrirekin batera, urrezko domina eskuratu du Itxaso Pradera mallabiarrak La Platan. orain, helburu berbera dute Bahia Blancan; ez da erraza izango ordea.
Txapelketa hasi aurretik faborito
argiak ziren, baina kantxan bermatu beharra zeukaten hori eta
finalean hala egin dute. Pradera-Montes bikoak garaipena erdietsi du
Podversich-Torres argentinar bikotearen aurka (30-13), joku bikain eta
ikusgarria kantxaratuz gainera.
Ainhoa Montes izan da txapelketako pilotari onena eta finalean ere nagusitasuna
erakutsi du atzeko koadroetan. Argentinarrek lan oso ona burutu dute,
batez ere bigarren zatian, baina ezinezkoa izan zaie euskaldunei aurre
egitea. Goraipatzekoa baita, Ainhoarekin batera, Judith Etxarri eta
Itsaso Pradera-ren jokua nahiz eta atzelari gipuzkoarrak beren lana
asko erraztu dien.
Orain, erronka zailagoa izango dute
Etxarri, Pradera eta Montes-ek. Bahia Blancan dabiltza trinketeko txapelketan, lau horma artean. Argentinarrak dira faboritoak, baina seguru ahalegin guztiak egingo dituztela euskaldunek.