Miren Amuriza nagusi Laudion

Anboto 2009ko urriaren 26a
Deskargatu Info Ahotsak :

Euskal Herriko Bertsolari Txapelketan Durangaldeak dituen hiru ordezkarien artean gazteena, Miren Amuriza, izan da lehian sartzen lehena, eta berriztarra izan zen zapatuan Laudioko saioan puntu gehien bildu zuena. Fredi Paia bigarren sailkatuak baino sei puntu t'erdi gehiago lortu zituen berriztarrak.

Euskal Herriko Bertsolari txapelketaren finalaurrekoetarako txartela lortzeko, zapatuan Laudioko Graja Kiroldegian aritu ziren sei bertsolarien artean puntu gehien Miren Amuriza berriztarrak lortu zuen: osotara 655,5 punturekin saritu zuen epaimahaiak berriztar gaztea. Lan bikaina egin zuen ofiziotan, batez ere hamarreko txikian eta zortziko txikian. Bakarka ere saio txukuna burutu zuen kartzelakoan, ama langabetuaren paperean.

Amurizaren ostean sailkatu ziren Granjako hitzorduan Fredi Paia, Jon Martin eta Onintza Enbeita bertsolariak; hauek ere finalerdietan izango dira. Ez zuten suerte bera izan Iñaki Izagirre eta Arakaitz Oiartzabalek. ( www.txapelketanagusia.eu)

Miren Amuriza ere finalaurrekoetarako sailkatuta beraz, Unai Iturriaga eta Igor Elortza durangarrak eta  berrizko gaztea arituko dira azaroan hasiko diren finalaurreko saioetan. Hasteko, Unai Iturriaga eta Miren Amuriza arituko dira azaroaren 8an Gasteizen izango den finalaurrekoan.  Horren ondorengo zapatuan, azaroaren 14an, Tolosako saioan sartuko da Igor Elortza ere Euskal Herriko Bertsolari Txapelketa Nagusian.



Kultura Bizkaia
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!