Asteburu eskasa izan da honakoa eskualdeko errugbiarentzat. Izan be, euskal Ligan diharduten bi taldeek, DRT B eta Elorriok, euren partiduak galdu dituzte. Gainera, zelaiaren faktorea alde izan dute, nahiz eta etekinik ez atera.
DRT B Bera Bera taldearen aurka lehiatu zen, eta alde handiz irabazi zuten gipuzkoarrek: 19-41. Emaitza honen ostean, durangarrak laugarren postuan daude sailkapenean, partidu bat irabazita eta beste bat galduta.
Elorriok ere ezin izan zuen punturik eskuratu Gaztediren aurrean. 5-29 izan zen azken emaitza, eta argi erakusten du Gaztediren aurreko lerroak indar handia daukala. Talde lanean hobetzea falta zaie Elorriarrei. Orain arteko bi partiduak galdu egin ditu Elorriok.