Atxondo, Abadiño, Durango eta Iurretak emaitza kaskarrak lortu dituzte joaneko neurketetan. Durango ez beste guztiek partidu denak galdu dituzte. Durangok gazte mailakoa irabazi du. Zestan izan dugu albiste on bakarra; Durangok finalerako urrats garrantzitsua eman du Getxo 3-0 menderatuta.
Atxondok etxean jokatu du Usansoloren kontra eta emaitzei erreparatuz gero, aurrera egiteko bat ere aukerarik ez dutela dirudi. Kadeteetan 0-22 galdu zuten; gazteetan 5-22, eta nagusietan 6-22. Beste hainbeste esan daiteke Abadiñori buruz ere. Askoz gehiago izan ziren zaratamoarrak: 2-22, 6-22 eta 7-22. Iurretakok ere panorama beltza du. Partidu guztiak galdu zituzten etxean Barakaldoren aurka: 8-22, 9-22 eta 13-22.
Durango da aurrera egiteko aukerak nabari zaizkion eskualdeko herri bakarra. Nagusietan 4-22 galdu zuen Ortuellaren aurka eta kadeteetan 22-1 irabazi. Okerrik ezean, bueltako jardunaldian antzerako emaitzak errepikatuko dira. Kadeteetan, aldiz, emozioz betetako partidua jokatu zuten. Azken txanpa estuan, Barakaldoko bikotea nagusitu zen (20-22). Hala ere, bueltako partiduan edozer gerta daiteke. Berebiziko garrantzia eduki dezake tanteoak.
Zestan Durangok oso ondo bideratu du kanporaketa Getxori 3-0 irabazita. Kadeteetan eta gazteetan erraz nagusitu zen; nagusietan partida orekatuagoa jokatu zuten (35-29). Beste finalerdian Gernikak 2-1 irabazi zion Lekeitiori.
Atxondok etxean jokatu du Usansoloren kontra eta emaitzei erreparatuz gero, aurrera egiteko bat ere aukerarik ez dutela dirudi. Kadeteetan 0-22 galdu zuten; gazteetan 5-22, eta nagusietan 6-22. Beste hainbeste esan daiteke Abadiñori buruz ere. Askoz gehiago izan ziren zaratamoarrak: 2-22, 6-22 eta 7-22. Iurretakok ere panorama beltza du. Partidu guztiak galdu zituzten etxean Barakaldoren aurka: 8-22, 9-22 eta 13-22.
Durango da aurrera egiteko aukerak nabari zaizkion eskualdeko herri bakarra. Nagusietan 4-22 galdu zuen Ortuellaren aurka eta kadeteetan 22-1 irabazi. Okerrik ezean, bueltako jardunaldian antzerako emaitzak errepikatuko dira. Kadeteetan, aldiz, emozioz betetako partidua jokatu zuten. Azken txanpa estuan, Barakaldoko bikotea nagusitu zen (20-22). Hala ere, bueltako partiduan edozer gerta daiteke. Berebiziko garrantzia eduki dezake tanteoak.
Zestan Durangok oso ondo bideratu du kanporaketa Getxori 3-0 irabazita. Kadeteetan eta gazteetan erraz nagusitu zen; nagusietan partida orekatuagoa jokatu zuten (35-29). Beste finalerdian Gernikak 2-1 irabazi zion Lekeitiori.