Bizkaiko Gorengo Mailari bikain ekin diote Elorrioko Zaldi Baltza eta Durangoko Larrasoloeta xake taldeek. Bi jardunaldiren ondoren, jokatutako partida biak irabazita, lider dira 5,5na punturekin.
Joan zen asteburuan, Zaldi Baltzak Balmasedari irabazi zion (3-1) eta Larrasoloetak Portugalete azpiratu zuen (2,5-1,5). Abadiño, berriz, azkenaurreko da Euskal Ligako Gorengo Mailan. Abadiñarrek bina berdindu zuten Rey Ardid taldearekin, eta hiru puntu dituzte. Bihar, 16:00etatik aurrera, F. Cultural taldearen kontra neurtuko dituzte indarrak, etxean, Matienako Pinoko lokaletan.