Durangaldeko berbalagunak lapiko eta zartagin artean ibiliko dira datorren martitzenean, azaroak 10, izan ere, sukaldaritza tailerra prestatu dute kozinatu bitartean euskaraz egiteko. Menu eder-ederra daukate aurretik: galeperrak saltsan eta karakolak saltsan kozinatuko dituzte. Jardunaldia Berrizko Pedro Juan jatetxean egingo dute, 18:00etatik aurrera, eta bertako sukaldari Kepa Imaz izango dute bidelagun.
Tailerrean izena eman gura duenak nahikoa du 639400786 telefonora deitzea edo idaztea. Aforoa mugatua da.