Tailer hauen bidez, Berrizko Udalak haurren sormena sustatu gura du, artea ikasteko, deskubritzeko eta gozatzeko aukera eskainiz. Parte hartzeko, hogei euro ordaindu beharko dute, eta izen ematea zabalik egongo da ekainaren 30era arte. "Tailerren bidez, irudimena, adierazpen artistikoa eta eskulanetarako trebetasunak landuko dituzte giro ludiko eta parte hartzailean. Horrez gain, ikaskuntza, esperimentazioa eta aisialdia uztartuko dituzte, artea modu dibertigarrian ezagutzeko eta beren sormena garatzeko aukeragaz", azaldu du udalak ohar baten bidez.
Ikastaroak uztailaren 6tik 10era izango dira, 10:30-12:30 bitartean, Anbulatorio zaharrean.