Hori nahikoa ez, eta manifestaziora deitu dute martxoaren 13rako. 18:30ean irtengo da, udaletxetik, eta Olakueta plazaraino herriko kale nagusiak zeharkatuko dituzte Osakidetzari bere berba bete dezan eskatzeko. "Osakidetzari konpromiso bat hartzea eskatzen diogu", esan dute.
Berrizko pentsiodunek, Durangaldeko beste hainbat herritarrek legez, urte bi baino gehiago daramatzate osasun publikoaren alde mobilizatzen. Berrizen kasuan, hiru mediku egotea bermatzeko eskatzen diote Osakidetzari. "Batzuetan hiru mediku egoten dira, baina beti ez da bermatzen horrela izatea", salatu dute.