Abaituaz gainera, Unai Adana, Amaiur Betanzos, Beñat Enbeita, Irati Gallastegi eta Oier Zugadi igo dira oholtzara. Gai-emaile lanetan Peru Vidal aritu da, eta epaileak Garazi Mendoza, Juanjo Respaldiza eta Beñat Romero izan dira. Bizkaiko Eskolarteko Txapelketak lau kanporaketa izango ditu. Geratzen diren hiru saioak apirilaren 2an (Gordexolako kultur etxean, 17:00etan), apirilaren 7an (Igorreko Lasarte aretoan, 17:00etan) eta apirilaren 9an (Durangoko Kurutziaga Ikastolan, 17:00etan.
Saio bakoitzeko irabazlea zuzenean sailkatuko da finalera, eta gainontzeko zazpi bertsolariak puntuazioaren arabera erabakiko dira. Finala maiatzaren 31n jokatuko da Iurretako frontoian. Goizeko 10:00etan nagusien eskolarteko idatzizko finala izango da, eta ostean, 11:30ean, bat-bateko finaleko zortzikoteak egingo du bertsotan.