Berrizburu kiroldegirako sarbide sistema digital berria jarri dute

Berrizko Udalak Berrizburu kiroldegira sartzeko sistema berria jarri du. NIK Patrika Digitalaren bidez sartu ahalko dira berriztarrak bertara hemendik aurrera. "Plastikozko txartelen alternatiba eroso eta erreza da, eta dagoeneko erabili daiteke", azaldu du udalak ohar baten bidez. Txartel digitala mugikorrean deskargatu eta konfiguratu ostean, nahikoa izango da mugikorreko pantaila erakustea. Bestalde, kirol instalazioetan eta gimnasioan sartzeko tornu berria ezarri dute. "Sarbide-kontrola askoz ere seguruagoa, erosoagoa eta ordenatuagoa iango da instalazioetako erabiltzaile guztientzat", nabarmendu dute.