Haur Hezkuntzako 4. mailatik Lehen Hezkuntzako 6. mailako ikasleentzako antolatzen du Berrizko Udalak 'Zapatuetan Berriz' ekimena; zapatuetan egingo da, urtarrilaren 25etik aurrera, 16:00-19:30 bitartean, eskolako patio estalian. "Gune honen helburu nagusia aisialdian eta lagunekin euskararen erabilera modu ludiko eta dibertigarrian sustatzea da, eta, aldi berean, ohiko lagun taldeetatik ateratzea eta lagun berriak egitea", azaldu du Berrizko Udalak ohar baten bidez.
Zalantzak argitzeko, euskara@berriz.eus helbide elektronikora idatzi daitekeela azaldu du udalak ohar batean.