'Zapatuetan Berriz' ekimena Haur Hezkuntzako 4. mailatik Lehen Hezkuntzako 6. mailara bitarteko ikasleei zuzenduta dago. Hainbat zapatutan egingo da otsailaren 3an hasita, 16:00etatik 19:30era, eskolako patio estalian.
Ekimen honen helburuak euskara lagunekin modu ludiko eta dibertigarrian sustatzea eta lagun berriak egitea dira. Parte-hartzaileek integrazioa, parekidetasuna eta aukera-berdintasuna landuko dute. Gainera, ekimenak Berrizko ingurunea ezagutzea eta garapen psikomotorra, kognitiboa eta kritikoa bultzatuko ditu.
Txanda bakoitzean 70 plaza egongo dira. Jardueren egitaraua, ordutegiak eta izena emateko formularioa hemen daude eskuragarri. Izena emateko epea otsailaren 2an bukatuko da. Zalantzak argitzeko hona idatzi: zapatuetanberriz@gmail.com