Urtarrilaren 8an ekin zioten herritarrek emaniko produktu eta elikagaiak batzeari, eta urtarrilaren 20ra bitartean egongo dira horretan. Elkarteak Berrizko saltokietara elikagaiak eta higiene produktuak eramateko deia egin die herritarrei; batez ere, higiene produktuak, lekaleak, atun eta sardina latak, oliba olioa eta konpresak eramateko eskatu dute. Horrez gainera, udal ordezkariek horrelako ekimenek duten garrantzia nabarmendu gura izan dute. "Horrelako ekimenekin, herritarren lankidetzaren garrantzia azpimarratu gura dugu, eta berriztarrei ekimenagaz bat egiteko deia egiten diegu", azaldu dute ohar baten bitartez.