Honako hauek dira Haize-arrosa osatzen duten musikariak: Eneritz Gorritxategi Lariz (trikia eta ahotsa), Edurtzeta Ania Albizbeaskoetxea (perkusioa eta ahotsa), Markos Murill Gil (gitarra elektrikoa eta akustikoa), David Vallejo Cantero (Bateria) eta Peio Agirre Gimenez (baxua). Bideoklipari buruz, "Tortolaraino bertaraino" daudela diote taldekideek. Kantuaren letrak Onintza Enbeitak egin ditu eta aktore lanetan Durangaldeko aurpegi ezagun asko dago. Inun musikari zornotzarra eta Andoni Ruiz 'Txululu' bateria-jole durangarra, adibidez. Bestalde, Go!azen telesaileko Markel Sainz eta Eleder Iglesias aktoreek eta Juan Portillo tiktoker euskaldunak ere parte hartu dute.