Besteak beste, bertsogintzari egindako ekaprena, bertso eskoletan eragindako iraultza, edota politika arloan izandako konpromisoa azpimarratu dute Artolak eta Esnaolak. "Saria sinbolikoa da, eta Monzon-Ganuza sariaren bidez Euskal Herriari, bere kultura, hizkuntza, historia eta etorkizunari bizitza osoko lana eskaini dioten herritarrak omentzearekin batera, euskal artista berriak sustatzea ere bultzatzen da, belaunaldien arteko zubi lana ere eraikiz", azaldu zuten prentsa aurrean.
Monzon-Ganuza saria 2021. urtean sortu zuten, Telesforo Monzonen heriotzaren 40. urteurrenean, "euskal utopikoak" saritzeko asmoagaz. Lehen ekitaldian Libe Goñi omendu zuten; iaz, ostera, Jose Luis Elkorok eta Mari Karmen Aiastuik jaso zuten saria.