Bihar, urriak 15, Donien Atxa jasota jaiak martxan jarriko dituzte. Ondoren, Broken Brothers Brass Band talde iruñearrak giroa alaituko du. Antolatzaileek azaldu dutenez, hurbiltzen diren guztientzako jatekoa eta edatekoa egongo da.
Domekan berriz, 12:00etan meza izango da. Ondoren, Iremiñe dantza taldeak erakustaldia eskainiko du. Urtero legez odoloste goxoak banatuko dituzte bertaratzen direnen artean.