Jai Batzordeko kideek gustu eta adin guztietarako egitaraua antolatu dute astebururako. Gaur, esaterako, umeentzako parkea egongo da. Bestalde, Markeliñe antzerki taldeak Homiens ikuskizuna egingo du, 19:00etan, Elizondo plazan. 20:00etan batukada egongo da The McKesy´s Clan Band taldearen eskutik, eta 21:00etan tortilla lehiaketa, udaletxeko lorategian. Gauean, Luhartz erromeria taldeak Elizondo plazan joko du, eta Etxekalte eta Oki Moki taldeek txosnagunean.
Uztailaren 2an, zapatua, paella lehiaketa egongo da udaletxeko lorategian, 14:00etan. Eta txosnagunean herri bazkari autogestionatua; bakoitzak bere tuperra eraman beharko du. 18:00etan kuadrillen jaitsiera egongo da, txosnaguneak antolatuta. 20:00etan dantzariek Dantzari Dantza entseatuko dute, Elizondo plazan, eta 21:30ean Garilak 26 taldeak kontzertua joko du. 22:30ean suzko zezena egongo da plazan, eta Nizek, Joseba Irazokik eta DJ Rosa Marik kontzertua joko dute txosnagunean.