Horrela, bihar, zapatua, jolasak egingo dituzte 11:30-13:30 bitartean, eskolan bertan; bestalde, astelehenean Imanol Ituño magoaren ikuskizuna izango dute ikasleek, eta martitzenean Nere Ariznabarretaren Abenturaz blai emankizuna. Ekainaren 10ekoa ekitaldi berezia izango da, izan ere, urte hauetan Learreta-Markina ikastetxetik igaro diren hainbat ikasle ohik euren emanaldi propioak eskainiko dituzte. 20:00etan, eskolako abesti berria izango dena aurkeztuko dute. Ostean, Iruri Altzerrekak eta Ander Sarriugartek bertsotan egingo dute. Eguna borobiltzeko, Seiurtek, Kohatuk eta Dubek (hauek, formatu akustikoan] kontzertuak emango dituzte.
Antzerkiak eta dantzek ere izango dute euren tartea egitarauan; ekainaren 17an Anita Maravillasek panpinen kalejira gidatuko du, eta, horren ondoren, San Lorenzo eta Iremiñe taldeek dantza ikuskizuna egingo dute; gero, pilota partiduak egongo dira. Ekainaren 18an egun osoko festa egingo dute mendeurrena ospatzeko.