Txomin Artola musikariaren kontzertuagaz hasiko dituzte Andikoa auzoko jaiak

Anboto 2022ko mai. 27a, 11:00
Txomin Artola kontzertu batean. Julen Uribe.

Andikoa auzoko Asentzio jaiak ekitaldiz beterik datoz. Maiatzaren 27an hasiko dira jaiak, Amaia Garciak emango duen irrintzi ikastaroagaz. Iluntzean, Txomin Artola musikari hondarribiarrak kontzertua emango du santutegian.

Donien Atxa maiatzaren 28an jasoko dute, 18:00etan. Ondoren, Oihana Iguaranek eta Sustrai Colinak bertsotan egingo dute. Idoia Barcelo eta Miren Amuriza izango dituzte gai jartzaile. Maiatzaren 29rako, egun osoko egitaraua prestatu dute. 12:00etan meza izango da, eta, ondoren, Iremiñe dantza taldeko dantzariek emanaldia egingo dute. Arratsalderako, umeen jolasak eta txokolatada, Mirari eta Aintzaren erromeria eta bolo joko txapelketa aurreikusi dituzte. 

Hurrengo asteburuan, auzo afaria egingo dute bertsolari eta trikitilariekin lagunduta. Bolo jokoaren ondoren, jaietako zozketa txartelen sari banaketa egingo dute

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!