Modu prebentiboan eta pertsona taldeak sakabanatzen jardun du Ertzaintzak, kale zurruta debekatuta dagoela gogoraraziz. Bai Berrizen bai beste hainbat herritan, Ertzaintza hurbildu ahala sakabanatu egin dira taldean zeuden pertsonak. Getxo, Bilbo, Arrigorriaga, Santurtzi, Ordizia edota Lezon esku hartu dute Ertzainek.
Herri horietan zenbait pertsona identifikatu ditu Ertzaintzak eta isun proposamen jarri dituzte. Gauerditik 55 akta bete dituzte, osasun araudiagaz lotuta, maskara ez erabiltzeagatik eta kale-zurrutagaz lotuta.