Berrizko Elkarrekin Podemos IU-k mozio bat erregistratu du asteon. Mozioaren asmoa kale gorrian dauden pertsonentzako baliabideak zabaltzea da. Proposamenak hilabeteko epean zabaltzeko dauden zerbitzuak garatzeko plangintza-egutegi bat aurkezteko eskatzen die tokiko gobernuei, beharrezkoak diren baliabideak esleituz eta kalean bizi diren pertsonei arreta ematen dieten eguneko zentroetarako eta gaueko egoitza-baliabideetarako aurrekontu-partida zabalduz.
"Pandemiak larriagotu egin du kale gorrian dauden pertsonek pairatzen duten zaurgarritasun-egoera. Horregatik, beharrezkoa da etxegabetasunari aurre egiteko baliabideak egokitzea, pertsona horiek bizitoki eta gizarte-arreta egokia izan dezaten. Udalerriak dira egoitza-zerbitzu horiek emateko bete-beharraren titularrak, eta bitartekoak ez dira nahikoak gizarte-erakundeek adierazten dituzten premiei aurre egin ahal izateko", azaldu dute mozioan alderdi moreko kideek.