Pandemiak baldintzatuta, iaz saskibaloi taldeko jokalariak ezin izan ziren bertaratu, eta hauei elkartasuna helarazi eta laguntzen jarraitzeko asmoz, beste ekimen bat ipini zuten martxan: Basket Beats Borders elkartasun bilduma, bi CDz osatutako elkartasun bilduma.
Ekimen honetan 53 musika taldek parte hartu dute eta musikalki hainbat estilotako abestiak entzun daitezke: musika elektronikoa, ska, rumba, rocka eta hardcorea. besteak beste. Oihana Alberdi berriztarrak azaldu duenez, proiektuaren asmoa hasierako bera da, kirolaren bitartez emakumeei berba ematea.
CDa erosteko aukera
Dagoeneko eskuragarri dago Basket Beats Borders elkartasun bilduma. Alberdik jakinarazi duenez, Euskal Herriko hainbat txokotan dago eskuragai. Tartean, Berrizko Ganeketxe eta Topa tabernetan, Zaldibarko Sorginen, Abadiñoko Abarkateruenean eta Elorrioko Parran.