Bigarren itxialdiagaz batera, Berrizko ostalariak kalera protestan irteten hasi ziren. Joan zen astean, esaterako, eliza ondoan hasi eta manifestazioa egin zuten herriko kaleetatik 'SOS ostalaritza' lemapean. "Babesik barik" daudela eta ez dutela informaziorik salatu zuten.
Atzo berriro irten zuten kalera euren egoera azaltzen zuten kartelak ipintzera. Herriko taberna guztietatik pasatu ziren, eta bertan SOS Berrizko Ostalaritza kartelak jarri zituzten.