1936an indar frankistek Felipe Urtiaga alkatea eta Jose Agirre, Gregorio Urkijo, Fermin Aranguren eta Agustin Milikua herritarrak fusilatu ondoren, irailaren 11 lagun horiek eta, oro har, frankismoa sufritu zutenak omentzeko baliatzen dute.
Aurtengoa berezia izango da. COVID-19a dela eta, ekitaldi bakarra egingo dute eta gainera hori egokitu egingo dute, jende pilaketak ekiditeko. Hori dela eta, barikuan, irailak 11, 18:00etatik 19:00etara lore eskaintza egingo da Berrizko bi gunetan. Bata Felipe Urtiaga plazan eta bestea oroimenaren bidean, udaletxeko parkearen barruan.
Bestalde, Berrizko Udalak jakitera eman du loreak aldez aurretik banatuko direla lore eskaintzak egingo diren bi gunetan.