Berrizen prebentzio-lanetan ari zen Ertzaintzaren patruila batek gizon bat ikusi du aparkatuta zegoen zabor-kamioi baten atzean ezkutatu nahian. Agenteek patruila-autotik jaitsi eta gizona identifikatu dute, kamioiko erregai-deposituko sarraila txikituta zegoela eta kamioiaren azpian gasolio-bidoi bat eta tutu-zati bat zeudela ikusi ondoren. Horrez gainera, inguruan zegoen auto bateko erregai-deposituaren ahoan inbutu moduan jarrita zegoen plastikozko botila bat ere aurkitu dute.
Gizona, 49 urtekoa, indarra erabiliz lapurreta egitea leporatuta atxilotu dute, Ertzaintzak ohar batean informatu duenez.
Atxilotua polizia-egoitzara eraman dute eta epailearengana eraman zain dago.