Produktu hauek Berrizko herritarrentzat izango dira bakarrik, eta medikuaren agiria eduki beharko da udal bankutik hartzeko. Gainera, eskaerak udaleko Herritarren Arretarako Zerbitzuan egin beharko dira.
"Udal zerbitzu berri honek mugikortasun arazoak dituzten eta zenbait jarduera aurrera eramateko zailtasunak dituzten pertsonen autonomia bultzatzea du helburu. Beraz, laguntza-produktu hauek eskaintzen dituzten abantailek pertsonen bizi kalitatean eragingo dute", azaldu du Lorea Rementeria Gizarte Zerbitzuetako zinegotziak.
Bestalde, udalak ohar baten bitartez jakinarazi du La Caixak emandako 2.000 euroko diru laguntzagaz erosi dituztela dohaintzan jaso ahalko diren 18 produktu hauek.