Kelly Finnigan musikariak kontzertua eskainiko du Berrizen, Atonements-egaz

Berrizko Kultur Etxeak Kelly Finnigan musikari estatubatuarraren bisita jasoko du datorren astean. The tales people tell diskoa aurkeztera dator Finnigan. Abeslaria ez ezik, konpositorea eta ekoizlea ere bada. Otsailaren 27an izango da kontzertua, eguenean, 22:00etan.

Finniganek Atonements taldeko kideen laguntza izango du oholtza gainean. Europan bira egiten ari da orain, The tales people tell diskoa aurkezteko. Besteak beste, Alemanian eta Frantzian aritu da egunotan. Berriztik Zaragozara (Espainia) joango da.

Hastapenak hip hopean 
Kelly Finnigan aurpegi askoko artista da, izan ere, soul doinuetan murgildu aurretik, hip hopean eman zituen lehenengo urratsak. Horrela, AEBtako mendebaldeko kostaldeko taldeentzat oinarria egiten hasi zen, Destruments ekoizpen taldeko kide lez.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.