Euriagatik atzeratu egin behar izan zuten bote luzeko finala domeka honetan jokatuko dute, Berrizen

Bizkaiak eta Gipuzkoak neurtuko dituzte indarrak.

Finala joan zen astebururako iragarrita zegoen, baina eguraldi txarraren ondorioz bertan behera utzi behar izan zuten. Hitzordu berria domeka honetan, 12:00etan, jarri dute, Berrizburuko pilotaleku irekian.

Bizkaitarrak dira faborito, aurreko bi edizioetako txapeldunak izateaz gainera, aurtengo liga fasean eta finalerdietan nagusitasunez irabazi dituztelako norgehiagoka guztiak. Hala ere, Gipuzkoa Bi taldea oso lehiakorra da eta sorpresa ematen saiatuko da.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.