2018ko aurrekontu parte-hartzaileetan, Legaño 2 eta 3 atarien eta Legaño 1eko garaje estalduran dagoen erabilera publikoko plataforman, plazaraino lotura malda bat egiteko premia jaso zuen Berrizko Udalak, eremu horren irisgarritasuna bermatzeko. Arrapala ipintzeko lan hauek irailean zehar egin dituztela aurreratu du udalak.
Obraren esleipen-aurrekontua 19.150,34 eurokoa izan da.Lehenengo fasea 2018an burutu zuten, eta eremu bitan ipini zituzten arrapalak, bertan zeuden mailak gainditzeko. Gaur egun, arrapalek garajeetarako eta plazatxorako sarbidea bermatzen dute. Hartara, eremu osoaren irisgarritasuna dago bermatuta.