Hamabi bertsolarik parte hartuko dute VI. Kopla Txapelketan

Iazko argazkia

Iazko txapelketa Elorrion izan zen, eta kopla txapelketako seigarren edizio hau Berrizen jokatuko da.

Gorka Pagonabarraga iazko irabazleaz gainera, Txaber Altube, Miren Amuriza, Eider Gallastegi, Irune Basagoiti, Ander Sarriugarte, Bittor Altube, Iruri Altzerreka, Beñat Ugartetxea, Gorka Lazkano, Garikoitz Sarriugarte eta Igor Elortza arituko dira. Ainhoa Urien eta Leire Vargas izango dira gai-jartzaileak. Gaztetxean izango da saioa, 22:00etan.