Aldaketa bi hauen bitartez, datozen aste eta hilabeteetan hainbat proiektu gauzatzea proposatu zuen EAJ alderdiak. Besteak beste, Matzagabarrena eta Abeletxeko argiteria hobetuko dute, Dukiena inguruko auzobidea konponduko dute eta ETSgaz hitzarmena lotuko dute Arkaraz kale ingurua berrurbanizatzeko.
EH Bilduko kideak, ostera, kritiko agertu ziren kreditu aldaketekin. "Orain hau diru publikoagaz egitea kanpaina egitea da", adierazi zuen Karmen Amezua EH Bilduko bozeramaileak. Gainera, "porlanean inbertitzeko", kooperaziotik, udalekuetatik zein menpekotasunetik "kendu" dela esan zuen alderdi abertzaleko kideak.
2011ko apirilean EAJren eta Bilduren botoei esker 900.000 euro txertatu zirela argudiatu zion Orlan Isoird alkateak Amezuari. Garai hartan aldaketa egitea denen erabakia izan zela erantzun zion Amezuak, eta oraingoa "inposaketa" izan dela.