‘Limbo Planeta’ antzezlana aurkeztuko dute Berrizen

Zortzi urteko neska da Numa, aparteko leku batean bizi dena. Bakarrik bizitzera ohituta dago protagonista eta hondamendiaren erdian bere bizilekua sortzea lortu du. Tarteka jasaten dituen erasoei aurre egiten ikusi ahalko dugu antzezlanean, Miren Alkala eta Alvaro Garayalde aktoreen eskutik.

Dejabu Panpin Laborategiak sortutako lana da Limbo Planeta. Antzerki testuala eta txotxongiloak uztartzen dituen euskal konpainia da. Konpainiaren obrek izaera minimalista izan ohi dute.

Euskal Herriaren historian oinarritutako narratibak dira ardatza, eta horrela sortu dute antzezlana Ainara Gurrutxaga gidoilariak eta Urko Redondo zuzendariak.