"Herritarrei ahalik eta zerbitzurik onena emateko, udaletxeko beheko aldean zerbitzu guztia ematea planteatzen dugu. Horretarako, orain arteko harrera gunean hiru bilera gela egingo ditugu", adierazi du alkateak. Lan hauek egiteko, 54.000 euro jarriko dituzte.
EH Bildu, kritiko
Azken bilkuran, EH Bildu kritiko agertu zen HAZ jartzeko erabilitako diruagaz. "Onartezina da kooperaziotik 22.000 euro kentzea. Ez dago ezer egiteko kooperazioan?", galdetu zuen Karmen Amezuak. "Guri galdetu izan bazenigute, hainbat proiektu proposamen ekarriko genituzke", jarraitu zuen EH Bilduko bozeramaileak. Gaineratu dutenez, ez dute HAZ mespretxatzen, baina proiektuaren inguruko nondik norakorik ez zekitela kritikatu zuten.