Berrizko emakume batek erasoa salatu du eta ustezko egilea Francisco del Pino zinegotzia izan da

Maialen Zuazubiskar 2018ko mai. 8a, 16:48
Deskargatu Info Ahotsak :

Berrizko Udalak jakitera eman duenez, igande gauean emakume bat erasotua izan zen. ANBOTOk jakin ahal izan duenez, ustezko erasotzailea Francisco del Pino PSE-EEko zinegotzia izan da. Bestalde, Ertzaintzak baieztatu du gizonezko bat atxilotu zutela Berrizen.

Berrizko EAJko eta EH Bilduko zinegotziek erabateko gaitzespena azaldu dute mota guztietako biolentzia matxisten aurrean eta erasoa salatu duen emakumeari beraien elkartasuna adierazi diote. Horrez gain, Berrizko zinegotziak berehala dimisioa ematea exijitu du EH Bilduk.

Bestalde, erasoa salatzeko egingo diren manifestazioekin bat egiteko deia egin diete herritarrei EAJ eta EH Bilduko kideek.

Gizartea Berriz
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!