Binakako txapelketako lehen fasea bukatzeko azken jardunaldian Ibai Zabalak Aimar Olaizolarekin jokatuko du. Asegarcek jakitera eman duenez Ander Imazek eskumako eskua justu xamar daukalako sartu dute atzelari berriztarra.
Aurtengo binakako txapelketan bosgarren partidua izango du Zabalak. Zazpigarren eta zortzigarren jardunaldietan Mikel Urrutikoetxearekin batera jokatu zuen eta azken bi asteburuetan Iñaki Artolarekin aritu da.