Ibilgailuen gaineko zergari, esaterako, igoera aplikatuko diote, eta obra eta instalakuntzen zerga eta Ondasun Higiezinen gainekoa izoztu egingo dituzte. “OHZ igotzearen gainean kezka eta zalantza asko izan ditugu. Baina, azkenean, aurten izoztea erabaki dugu”, adierazi du Orlan Isoird Berrizko alkateak.
Tasetan, %1,5 igoko dituzte uraren, zaborraren, saneamenduaren, kirol zerbitzuen, hilerriaren eta ezkontza zibilen tasak, besteak beste. Estolderiaren, auzo-taxiaren eta establemizmenduen tasek, esaterako, bere horretan jarraituko dute.
Bestalde, aurreko asteko osoko bilkuran, abeltzaintza eta nekazaritza ustiaketek saneamendu eta zaborren tasetan%50eko bonifikazioa izango dutela jakitera eman zuten Berrizko Udaleko kideek.
Hala ere, bonifikazio hauek jasotzeko, abeltzaintzako instalazioek Bizkaiko Foru Aldundiak emandako abeltzaintza-ziurtagiria izan beharko dutela eta nekazaritzako erabilera duten instalazioek Nekazaritzako Ustiategien Erregistroan inskribaturik egon beharko dutela jakitera eman dute.