Laukoteak ikusmina handia agertu du zapatuko kontzerturako, batez ere, inoiz ez dutelako horrelako formatu batean jo. “Jaialdiak direla eta, oholtza nahiko handietan aritu gara azken aldian, eta egia esateko gogoa daukagu ikuslegotik hurbil egoteko ostera ere”.
Iazko udazkenean kaleraturiko ‘Circadia’ lanak izan duen harrerarekin oso pozik agertu dira, izan ere, nazioartean bira egiteko aukera eskaini die lan berri honek; Bartzelonako Primavera Sound eta Bristoleko (EB) ATG jaialdi entzutetsuetan aritu dira, besteak beste.
Post-Matha eta progresiboa uztartzen dute, beti ere rock doinuen baitan. “Konposizioei ukitu interesgarri bat ematen saiatzen gara beti, entzuleak zer etor daitekeen ez aurreikusteko”. Jaundone bilbotarrek irekiko dute emanaldia, 20:00etan. Sarrerak sei eurotan erosi ahalko dira.