Igartza saria jasota, bere lehenengo nobela idatziko du Miren Amurizak

Itsaso Esteban 2017ko ira. 7a, 11:50

Elkar argitaletxeak jakitera eman duenez, Miren Amuriza bertsolari berriztarra da aurtengo Igartza sariaren irabazlea. Amurizaren Paperezko txoriak proiektua aukeratu dute Elkar argitaletxeak, CAF enpresak eta Beasaingo Udalak antolatzen duten literatur lehiaketa horren XX. edizioko irabazle bezala.

Gaur, 19:00etan, Beasaingo Igartza jauregian egingo dute sari banaketa. Ekitaldi horretan emango diote irabazi duen beka-sariaren erdia Miren Amurizari, eta idazlana aurkezten duenean jasoko du sariaren bigarren partea.

Igartza Sariaren aurreko edizioetan, Unai Elorriaga, Karmele Jaio, Uxue Alberdi, Katixa Agirre, Jon Martin edo Kattalin Miner izan dira, besteak beste, sarituak.

Kultura Berriz

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.

EGIN ZAITEZ KIDE!