“Puntu kritiko bat duen azoka honegaz jendea kontzientziatu egin gura dugu, kontsumo jasangarria izan dezan”, adierazi du Miriam Caro Berriztu azokako antolatzaileetako batek. Udaletxeko parkean egongo da merkatua, 10:00etatik 14:30era. Euria eginez gero, berriz, probalekuan izango da.
Kontsumoa murriztea helburu duen azoka musikagaz girotuta egongo da. The Swallows taldeak zuzeneko kontzertua eskainiko du, 13:00etan.
Gainera, Sandra Hernandez herriko artistak mural bat egingo du zapatuan bertan. Antolatzaileek jakitera eman dutenez, gaztetxoenentzako txoko bat ere prestatu dute. Txoko horretan herriko gazteek margotzeko tailer bat izango dute. “Berriztu, herritar guztientzako gunea da, denek dute lekua gure merkatuan”, esan du berriztarrak.
Horrez gain, Miriam Carok eskerrak eman dizkie urte guztian zehar bigarren eskuko azoka hau antolatzeko lanean ibili diren boluntarioei. “Beraiek gabe ez litzateke posible izango”, bukatu du.