Domekarako VI. Martxa Zikloturista antolatu dute Berriz Bizikletari Elkarteak eta Berrizko Udalak. Martxa ez da lehiakorra izango, baina, amateurrentzat ez ezik, espezialistentzat ere aproposa izango da, ibilbideko 120 kilometroetan orografia gorabeheratsua delako: Muniketara, Ixuara eta Areitiora igoko dira. Ekainean, proba gogorrak izaten dira, Quebrantahuesos adibidez, eta askok hitzordu horietarako prestaketa gisa hartzen dute Berrizko martxa. Lagunartean, presarik gabe egiteko ere aproposa da.
Izen-emateak
Berrizko udaletxe paretik irtengo dira, 09:00etan, eta 200 parte-hartzailetik gora izango dira. Izen-ematea egunean bertan egin daiteke: 15 euro da lizentzia dutenentzat eta 25 euro gainerakoentzat. Izen-ematea webgunearen bidez egiten duenak (www.berrrizbizikletarielkartea.com) 5 euroko deskontua izango du. Ekainaren 5a da horretarako azken eguna.