Mirari handirik ezean, Berriz Lehenengo Erregionaletik Bigarren Erregionalera jaitsiko da aurten. Liga amaitzeko zazpi jardunaldiren faltan azken aurreko tokian dago, eta, azken-hirugarrena, Ezkurdi, hamalau puntu aurretik du. Beraz, talde biek bihar, 17:00etan, Berrizburun jokatuko duten derbian Berrizek nahitaezkoa du garaipena. Irabazita ere oso zail izango du mailari eustea.
Berrizen aurtengo denboraldiko datuak ez dira onak. Etxetik kanpora ez du oraindik irabazi, eta berdinketa bi bakarrik lortu ditu. Etxean ere ez dabil fin; izan ere, jokatutako hamahiru partiduetatik hiru irabazi ditu. 27 partidutan hamabost gol sartu ditu.