Oiartzungo John Berkhout taldearen emanaldia hartuko du zapatuan, 20:00etan hasita, Berrizko Kultur Etxeak. Folk-rock eta psikodelia ukituko musika eskainiko dute gipuzkoarrek, bost euroko sarrera izango duen Berrizko zuzeneko horretan.
Instrumentazio eta ahots lanketa bereziko The path moduko kantetan, taldearen bide musikala erakutsiko du John Berkhoutek, Berrizen. Gitarrak, teklatua, bateria, klarinetea, saxoa eta perkusioa izango dira entzungai. Musikak iradokitako bideetatik, Lost in the wild bezalako abestiekin, paisaia bereziak imajinatzera gonbidatuko du entzulea.
Hamarkada bat baino gehiago daramate taldekideek elkarrekin jotzen, eta azaroan aurkeztu zuten Warner ekoiztetxearekin kaleratu duten lehenengo lan luzea. Ordutik hona, kantarik eta diskorik onenen zerrendetan lehenengo postuetan aipatzen dute euren izena.