Normaltasunez joan da Ibai Zabalari egindako operazioa

Atzo eskuin besoko hatzamar bitan ebakuntza egin zioten Ibai Zabala pilotariari. Dena normaltasunez joan dela jakinarazi du Asegarce enpresak.

Ebakuntza 17:00etan hasi eta ordubete iraun zuen. Berriztarrak Donostiako Poliklinikan eman du gaua eta gaur itzuli da etxera: "Dena normaltasunez joan da, ezusteko barik", jakinarazi dute Asegarceko webgunean.

Gaur arratsaldean (azaroak 12an) Ibai Zabalak egunotan animoak eman dizkiotenei eskerrak emateko mezu hauxe idatzi du bere facebook-ean: "Eskerrikasko danori bihotz-bihotzez! Holako gauzak be toketan diez kirolien eta aurre egiten be jakin biher da. Bañe bueno, ez despistatu larregi konturetu orduko zuriz jantzite ikusiko nozue-eta. Eta hemendik esker haundi bat batez ere Arritxu Iribarri. Atzo gauez ingresatuta neuela bonboi eta guzti agertu jatan bisitan eta. Detalle ederra! Eskerrikasko, ondo segidu eta animo asko danontzako!"

Zabalak pilotari baten baino gehiagoren animoak ere jaso ditu bere facebook orrian. Aritz Laskurainek honela animatu du: "Anino Ibai!! Laister zare berriz gerria emoten. Eutsi goiari". Sthephane Lemouneau-k ere "animo Ibaia!" idatzi du.