Domekan, 18:30ean, Durangoko Kulturalak Rayo Cantabria hartuko du Tabiran.
2.B mailarako igoera faseko final laurdenak jokatu dira asteburebu honetan; joaneko partidua izango da domekakoa. Axier Intxaurraga entrenatzailea “pozik” agertu da zozketaren emaitzagaz. “Partidu gaitzak izango diren arren, hurbil jokatuko ditugu, behintzat”.
Intxaurragak kantabriarrek gola egiteko duten gaitasuna nabarmendu du. “Garrantzitsua izango da golik ez jasotzea” azpimarratu du Kulturaleko entrenatzaileak. Hain zuzen ere, Rayo Cantabria bere taldeko txapeldunordea izan da. Durangoko taldeak hiru kanporaketa igaro behar izango ditu 2.B mailara igo ahal izateko. Talde kantabriarraren aurkakoa partidu horietako lehenengoa izango da.