Nor izango da amaieran aldageletara sartzen lehenengoa?
A.B./ I.Z.: Finala galtzen duena, hori seguru.
Finalean zenbat sake sartuko dizkiozu Ibairi, Asier?
A.B.: Bat ere sartu ez arren 22ra iristen banaiz, ni konforme.
Zabalera sakatuko duzu? Eta bi hormakoan Irujoren antzera?
A.B.: Bi hormakoen ez. Zabalera, baleiteke; berak ere badaki hori.
Ibai, zenbat sartuko dizkiozu Asierri ezkerrera moztuta?
I.Z.: Berak galtzen dituenak. Baina saiatuko naiz; berak ere badaki hori.
Zein da azken egunotan eman dizuten aholkurik onena?
A.B.: Arinegi ez jokatzeko; ez prezipitatzeko partiduan zehar.
I.Z.: Asierri pilota ezkerra mozten saiatzeko.
Finala irabazi zein galdu, parranda egingo duzue?
I.Z.: Dudarik barik. Finalera heltzea ospatzeko nahiko motibo da.
A.B.: Guztiz ados; hainbaten, Durangon elkartuko gara, gainera.
Nork irabaziko du lehenengo mailako binakako txapelketa?
I.Z.: Enpresakoek irabaztea nahi dut, baina onenak irabazi dezala.
A.B.: Berdin. Hala ere, Aspekoak faboritoago ikusten ditut.