Bertsolarien jarduna entzutea gustuko duten guztiek kartel ezin osatuagoa dute asteburu honetan, Berrizen. Adin guztietako bertsozaleek izango dute eurentzako saio aproposa.
Hasteko, Bertsozale Elkarteak eta Udaleko Euskara Sailak maiatzaren 4 honetarako egin duen bertso menua dugu: kultur etxean, berriztar bi egongo dira oholtza gainean: bertsoetarako gaiak jartzen, Maite Berriozabal, eta bertsotan, Lazkano. Gorka Lazkanogaz batera, beste hiru bertsolari arituko dira Berrizko jaialdian: Colina, Lekue eta Peñagarikano.
Domeka eguerdian, berriz,gaztetxoendako "1,2,3... Inaxito" ikuskizunak biribilduko du Berrizko bertsozaleen asteburua.