Berrizko pentsiodunek botako dute jaiei hasiera emango dien txupinazoa

Berriz

2018a hasi zenetik hona, Berrizko pentsiodunak astelehenero batzen dira, euren egoera hobetzeko borrokan. Asteko mugimenduak ezagutara eman eta aurrera begirako egitasmoak eztabaidatzen dituzte. Datorren astean, ostera, astelehenean ez ezik, ekainaren 28ko barikuan batzea ere egokituko zaie. Izan ere, egun horretako arratsaldean, Berrizko jaiei hasiera emateko txupinazoa botako dute. "Oso pozik" hartu duten ardura dela adierazi du Berrizko pentsiodunen taldeko Mari Tere Alberdik, eta urte eta erdian zehar egindako lanaren "errekonozimendu" moduan hartzen du.